అర కవిత ...

అరవిచ్చిన నీ కన్నులు చూస్తే
అరవాలనిపిస్తుంది...
అరువిచ్చిన నీ బాబుని చూస్తే
అరికాళ్ళకు బుద్ధొస్తుంది......

కష్ట పదార్ధాలు ( పద + అర్ధాలు) :

అరవిచ్చిన = సగం తెరిచి వున్న; అరువిచ్చిన = అప్పు ఇచ్చిన; నీ బాబుని = నీ తండ్రిని;

టీకా తాత్పర్యం:

మిగతాది బోధపడుతుంది గానీ.. ఈ "అరికాళ్ళకు బుద్ధొస్తుంది" ఉంది చూసారూ... దీనికి కొంచెం విశ్లేషణ ఇస్తా.అందరి మస్తిష్కాలూ నా లాగా సూదిగా ( షార్ప్ గా) ఉండవు కదా ... కాళ్ళకు బుద్ధి చెప్పటం అంటే పరిగెత్తటం, ఉదాహరణ కి "నా గొంతు విని, బుద్ధున్న శ్రోతలంతా కాళ్ళకు బుద్ధి చెప్పారు". మరి కాళ్ళకు బుద్ధొస్తే అరికాళ్ళకు బుద్ధి రాదా? అందుకే ఆ బల "పద" ప్రయోగం. ఏంటీ? బుర్ర మోకాళ్ళ ప్రాంతానికి ప్రయాణం మొదలుపెట్టిందా?

వారాంతాన్ని ఆద్యంతం అనుభవించండి ....